#Савол
Феъли таркибӣ чист? Феълҳои / феълхои таркиби (Грамматикаи забони точики / тоҷикӣ)
#Ҷавоб
Феълҳои таркибӣ аз рӯйи ифода ду хел мешаванд: феълҳои таркибии номӣ ва феълҳои таркибии феълӣ.
Феълҳои таркибии феълӣ
Ҷузъҳои феълҳои таркибии феълӣ аз як феъли асосӣ ва як ё якчанд феъли ёридиҳанда иборат буда, ҳамчун як таркиб ба ҳисоб гирифта мешаванд: хондан гирифт, хоҳад хонд, хонда истодааст, хонда истодан гирифт, хонда истода буд.
Феъли асосӣ (хонда) маънои луғавӣ ва ду феъли пас аз он омада маъноҳои грамматикӣ доранд: истода ба амали бардавом ва буд ба замони гузаштаи дур далолат мекунад.
Феълҳои таркибии номӣ
Феълҳои таркибии номӣ аз ҳиссаҳои номии нутқ ва феълҳои ёридиҳанда сохта мешаванд: кор кардан, ҷавоб гардондан, чарх задан, сиҳат шудан, хунук хӯрдан, умр ба сар бурдан, ба анҷом расидан.
Ҷузъи номии чунин феълҳо исм, сифат, ибораҳои номӣ, шумора, зарф ва ҷузъи дуюми феълҳои таркибии феълӣ аз феълҳои ёридиҳанда (кардан, шудан, намудан, гардондан, сохтан, хӯрдан, кашидан…) иборатанд: озод кардан (шудан), ҳозир шудан, чашм дӯхтан, тоб хӯрдан, омода сохтан.
