# Савол
Маънои номи Спитамен чи мебошад? Ва аз руйи номгузории забони точики мондани номи Спитамен ичозат аст?
Аз Некбахт
# Ҷавоб
Дуруд ба шумо Некбахт.
Маънои калимаи Спитамен дар вожаҷӯ чунин омада:
Спитамен, Сапитамон سپیتمان (паҳлавӣ)
1. мураккаб аст аз сапият ва мон аз адоти иттисоф, яъне дорандаи сапедӣ ва дорандаи лакаҳои сапед;
2. номи нуҳумин падари Зардушт аст, яъне ҷадди ҳаштуми ӯ. Дар “Мураввиҷу-з-заҳаб” Асбимон ва Истимон ва дар “Таърихи Табарӣ” Сифамон забт шудааст;
3. номи дигари Зардушт, Зардушти Спитамон.
Номи мазкурро дар Феҳристи номҳои миллии тоҷикии Кумитаи забон дарёфт кардем ва гузоштанаш аз рӯи қонун иҷоза аст.
Сомона бо шарофати таблиғ фаъол аст
