“Имонам аз кофир” ё “валлоҳ” гуфта қасам мехӯранд. Ҳукмаш чист?

# Савол

Ҳамсинфон ва дӯстони ман “имонам аз кофир” ё “валлоҳ” гуфта қасам мехӯранд. Ҳукмаш чист?

# Ҷавоб

Инсони оқил набояд дар сари ҳар сухан савганд хӯрад ва номи Худоро василаи савгандаш қарор диҳад. Чунки Худованд аз ин амали нописанд манъ карда, мефармояд:

“Ва (номи) Худоро дастмол барои савгандони худ макунед”. (Сураи “Бақара”, ояти 224).

Хусусан ба забон овардани ҷумлаи “имонам аз кофир” сухани гуноҳ буда, барои фарди мусулмон хатар дорад. Агар дӯстони шумо дар коре ба номи Аллоҳ савганд хӯрда бошанд ва онро шикастанд, бар онҳо каффорат вољиб мегардад, яъне бояд даҳ мискинро таом диҳанд ё либос пӯшонанд ва ё се рӯз рӯза доранд.

Шӯрои уламо (1506)