Гул рамзи муҳаббату саодат бошад
Булбул чаманорои садоқат бошад.
Бе савти хуши булбулу бе накҳати гул
Дар гулшани умр кай тароват бошад?
Ҳар гул ба чаман хандаи зебо дорад
Ҳар хандаи гул сози дилоро дорад.
Наврӯзу чаман ба гул дилорост ҳаме
Ҳар боғ ба худ булбули шайдо дорад.
Гул ҳусни баҳори дилрабо афзояд
Гул хандаи дил ба ҳар куҷо афзояд
Гар одаму гул ҳамеша хандад бо ҳам
Файзу самаре ба кори мо афзояд.
Бе гул на ҷаҳон хуш асту не саҳни чаман
Бе гул на забон хуш асту не шаҳди сухан.
Бе гул набувад меҳр ба қалби ошиқ
Бо гул ҳама ҷо чу гул азиз аст Ватан
шудааст.
