# Савол
Ассалому алайкум. Барои чӣ Имом Абӯҳанифа (р) бо ин тахаллус ном гирифта мешавад? Асли ин кунят аз куҷо пайдо шудааст? Ташаккур.
# Ҷавоб
Ва алайкумуссалому ва раҳматуллоҳ. Бародари азиз, дар бораи тахаллуси Абӯҳанифа (р) андешаҳо зиёд аст. Баъзе уламо мегӯянд, ки “ҳанифа” дар забони ироқӣ рангро мегӯянд ва аз сабаби он ки Имоми Аъзам (р) ҳамеша ҳамроҳи худ қаламу ранг доштанд, ба ин куня хонда шуданд. Раъйи дигар ин аст, ки ин куня табаррукан ба ояти “Бал миллата Иброҳима ҳанифан” (“Бақара”, 135) ба ӯ гузошта шудааст. Баъзе мегӯянд, ки тахаллуси Абӯҳанифа (р) ба эътибори тақво ва амали ӯст, яъне эшон дорои ахлоқи шоиста ва моил ба ҳақ буданд. (“Нури ҳақиқат”, с. 13-14 )
Шӯрои уламо (899)
Сомона бо шарофати таблиғ фаъол аст
