# Савол
Оё нишон додани хонаи бинак (фолбин) дар Ислом гуноҳ аст ё на? Чунки аз ман чанд бор се-чор нафар пурсиданд, ба онҳо хонаашро нишон додам. Оё бо ин корам ман гунаҳгорам? Ба ин мавзӯъ равшанӣ андозед.
# Ҷавоб
Албатта пеши бинак ва фолбин рафтан гуноҳи кабира мебошад ва касоне, ки мардумро ба хонаи ӯ роҳнамоӣ мекунанд, онҳо низ гунаҳгор мешаванд. Чунонки Худованд дар Қуръони карим мефармояд: “Ва бар некӯкорӣ ва парҳезгорӣ бо якдигар мадад кунед ва бар гуноҳу ситам бо якдигар мадад макунед” (“Моида”; 2)
Албатта шумо ин корро аз рӯи нодонӣ кардаед, омурзиш бихоҳед, иншоаллоҳ Худованд мебахшад. Марди муъмин чун касеро дид, ки хонаи бинак ё фолбин меравад, бояд ба ӯ бигӯяд, ки касе илми ғайбро ба ҷуз Худованди мутаъол намедонад, кушояндаи мушкилҳо ва равокунандаи ҳоҷатҳо танҳо Худованд асту бас. Худованд ба шумо тавфиқи аъмоли хайр насиб гардонад.
Шӯрои уламо (951)
