Фолбин, бинак, ҷодугар дар ИСЛОМ

0

# Савол

Ҳукми фолбинҳо дар Ислом чист? Хусусан ин ҷодугароне, ки дар ҷумҳуриамон зиёд шуда истодаанд. Бо ҳадисҳову ривоятҳо ҷавоб диҳед.

# Ҷавоб

Фолбинӣ аз нигоҳи Ислом ҳаром аст ва анҷомдиҳандаи он гунаҳкори азим мешавад. Бисёре аз шахсони сеҳршуда бемор мешаванд ё табиату одаташон тағйир меёбад. Тамоми донишмандон иттифоқ доранд, ки сеҳр дар нороҳатӣ ва аз байн рафтани саломатӣ таъсир дорад. Бояд яқин дошт, ки сеҳр бо ёрӣ ҷустан аз шайтонҳо ва анҷом додани корҳои ҳарому палид ба вуқуъ мепайвандад, ҳол он ки тамоми ин корҳо роҳе ба сӯйи куфр мебошад ва барои мусулмоне, ки ба Худо ва рӯзи охират имон дорад, ҷоиз нест, ки онро анҷом диҳад.

Худованд дар бораи зиёни сеҳр мефармояд: “Ва соҳир ҳар ҷо, ки равад, растагор намешавад”. (Сураи “Тоҳо”, ояти 69)

Ба хотири гирифтор нашудан ба сеҳр бояд фарди муъмин ҳар субҳу шом оятҳо ва сураҳоро бихонад, иншоаллоҳ аз газанди он эмин мемонад. Худованд мову шуморо аз шарри бадон ва макру найранги фоҷирон дар амони хеш нигоҳ бидорад ва касонеро, ки ба сеҳру ҷоду гирифтор шудаанд, офият бубахшад.

Шӯрои уламо (8)

Ҳамрасонӣ кунед (Поделитесь)
Сомона бо шарофати таблиғ фаъол аст